04.05.2024 | 19:54
Բավարիան գլխավոր մարզչի պաշտոնի համար մի քանի թեկնածու ունի
Իվետա Տոնոյանը՝ կոալիցիա կազմելու մասին. ամեն ինչ կախված է լինելու նրանից, թե ով որքան ձայն կստանա. ՏԵՍԱՆՅՈՒԹ
Քաղաքականություն
28.04.2021 | 13:40
Մենք հունիսի 20-ի ընտրություններին գնում են հաղթելու և հաղթանակի դեպքում Գագիկ Ծառուկյանին որպես վարչապետի թեկնածու առաջադրելու հաստատակամությամբ: Այս մասին լրագրողների հետ զրույցում նշեց ԲՀԿ խմբակցության պատգամավոր Իվետա Տոնոյանը:
Պատգամավորի խոսքով՝ ԲՀԿ-ում արդեն ավարտին են մոտենում նախընտրական ծրագրի մշակման աշխատանքները:
Իվետա Տոնոյանը վստահեցրեց, որ մայիսի 3-ին իրենք վարչապետւի թեկնածու չեն առաջադրելու և անակնկալներ չեն լինելու:
Անդրադառնալով ԲՀԿ-ի ընտրական ցուցակին, Տոնոյանը նշեց, որ այն դեռևս վերջնական կազմված չէ, և աշխատանքները ընթացքի մեջ են: Թե ովքեր կլինեն նախընտրական ցուցակում, ըստ Տոնոյանի, կորոշի ԲՀԿ քաղաքական խորհուրդը՝ Գագիկ Ծառուկյանի գլխավորությամբ:
Անդրադառնալով հարցին, թե հնարավո՞ր է ԲՀԿ-ն իշխող ուժի հետ կոալիցիա Տոնոյանը ո՛չ հերքեց, ո՛չ հաստատեց՝ նշելով, որ այս փուլում կոալիցիայի հարց չի քններակվել իրենց խմբակցությունում: «Մենք գնում ենք ԱԺ-ում մեծամասնություն կազմելու և առավել մեծ վստահության քվե ձեռք բերելու ճանապարհով, բնականաբար, հնարավոր կոալիցիների հարց չենք քննարկել»,-ասաց Տոնոյանը:
Անդրադառնալով հարցին, թե որևէ դեպքում Նիկոլ Փաշինյանի հետ կհամագործակցի՞ ԲՀԿ-ն, Իվետա Տոնոյանը պատասխանեց. «Մենք գնում ենք հաղթելու, իսկ թե որքան վստահության քվե կհավաքի Նիկոլ Փաշինյանը, պարզ չէ»։
Մանրամասները՝ տեսանյութում:
