18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Սյունիքից բերման ենթարկվածներն ասում են՝ ճնշում են, հո չէին դնելու բամբակի մեջ՝ բերման ենթարկեին․ Հովիկ Աղազարյան․ ՏԵՍԱՆՅՈՒԹ
Տեսանյութեր
27.04.2021 | 15:59
«Անվտանգային խնդիրներ կան մեր հայրենիքի ողջ սահմանների երկայնքով, քանի որ մենք գիտենք՝ ինչ երկրներով ենք շրջապատված և ինչ աշխարհաքաղաքական իրողություններով ենք ապրում, մենք պետք է այսօր լուծենք այսօրվա հարցը, որպեսզի վաղը մյուս օրը չբախվենք այդ խնդիրներին»,- այս մասին այսօր լրագրողների հետ զրույցում ասաց «Իմ քայլը» խմբակցության պատգամավոր Հովիկ Աղազարյանը:
Նրա խոսքով՝ Սյունիքում կան մարդիկ, ովքեր իրոք անհանգստանում են իրավիճակով և իրենց բողոքը հայտնում են անկեղծ մղումներով, և շատերն էլ քաղաքական նպատակներ հետապնդելով՝ չարաշահում են ամեն ինչը, և սխալ դրսևորումներ են ունենում, իսկ իշխանությունները պետք է այդ դրսևորումներին արձագանքեն:
«Սյունիքի դեպքերի ժամանակ շատերը կային, որ իսկապես եկել էին և ուզում էին մասնակցել և իրենց դժգոհությունը արտահայտել, բայց իրենց դժգոհությունը հայտնում էին հայացքով, լռելյայն կեցվածքով: Բայց շատերը այդ հանգամանքը օգտագործում են քաղաքական դրդապատճառներով…
Եթե տեսնում ենք, որ փողոցում 2-3 խուժան իրենց պահում են քաղաքական մարդուն անհարիր կեցվածքով, և այնտեղ կան իրավապահներ, որոնք կլուծեն խնդիրները: Այն հայհոյանքները, որոնք տեղում էին իրավապահ մարմինների ներկայությամբ, առաջին հերթին ուղղված էին ոստիկաններին: Եվ երբ բերման են ենթարկում, տառապալի դեմք են ընդունում, ասում են՝ ճնշում են, քաշում են-տանում են… Հո չեն դնելու բամբակների մեջ՝ բերման ենթարկեն»,- ասաց Հովիկ Աղազարյանը՝ հավելելով, որ կողմ է իրավապահների կողմից օրենքով թույլատրված կոշտ մեթոդների կիրառմանը:
«Հազարավոր մարդիկ սպասում էին, որպեսզի իրենց անկեղծ անհանգստությունը ներկայացնեին վարչապետին: Հիմա քանի որ որոշակի ուժեր ինչ-ինչ պատճառներով պետք է կազմակերպեին նման սադրիչ գործողությունները, վարչապետը չգնա՞ր քաղաքացիների հետ հադնիպելու և ականջալուր լինելու նրանց խնդիրների»,- ասաց պատգամավորը:
Հարցին, թե որտե՞ղ էին այն հազարավոր մարդիկ, որոնք կարող էին դուրս գալ փողոց և ասել՝ մենք եկել ենք վարչապետին լսելու, մի՛ խանգարեք մեզ, Աղազարյանը պատասխանեց. «Եթե իրավապահները չգտնվեն իրենց բարձրության վրա, 3-4 տոկոս ագրեսիվ մասան կուտի 95 տոկոսին, բնության օրենքներն են այդպիսին: Ամեն մարդ իրեն թույլ չի տա այդպիսի հայհոյանքներ փողոցում: Մեկը մտածում է, բա որ մեկն էլ ինձ հայհոյի իմ կնոջ, իմ հոր մոտ, ես ոնց պատասխանեմ, ոնց պահեմ: Դրա համար ձեռնպահ են մնում: Վարչապետը հենց նրանց հարգելով է գնացել»:
Մանրամասները՝ տեսանյութում:
