11.03.2026 | 10:25
ՌԴ-ից Ադրբեջանի տարածքով 11 վագոն հացահատիկ է գալիս Հայաստան
Վրաստանում խորհրդարանի նոր նախագահ են ընտրել
Քաղաքականություն
27.04.2021 | 16:11
Վրաստանի խորհրդարանը ձայների մեծամասնությամբ նախագահ է ընտրել Կախաբեր Կուչավային, որը մինչ այս օրենսդիր մարմնի փոխնախագահն է եղել, գրում է ՏԱՍՍ-ը։
«86 ձայն կողմ, 6-ը՝ դեմ։ Պարոն Կախաբեր Կուչավան ընտրվել է Վրաստանի խորհրդարանի նախագահ»,- հայտարարել է խորհրդարանի նստաշրջանը նախագահող փոխխոսնակ Գեորգի Վոլսկին:
Հիշեցնենք՝ Վրաստանում ավարտվել է 6-ամսյա բոյկոտը։ Ընդդիմության ներկայացուցիչները մտել են խորհրդարան, ինչը հարուցել է քաղաքացիական ակտիվիստների բողոքը։ Ընդդիմադիրները ստիպված են եղել խորհրդարան մուտք գործել բողոքի ակցիայի մասնակիցների վանկարկումների ներքո։ Ցուցարարներն ընդդիմադիր պատգամավորների հասցեին վանկարկել են «ստրուկներ» և «անամոթներ»։
Տաթև Ֆռանգյան
