03.07.2026 | 17:03
Մոլդովայի վարչապետն անսպասելի հրաժարական է տվել
Միանշանակ Մոսկվայի թույլտվությամբ է Ալիևը բարբաջում. ազատամարտիկը ազգաբնակչությանը ինքնակազմակերպվելու կոչ արեց
Քաղաքականություն
14.02.2018 | 16:39
Ալիև կոչվածի բարբաջանքները մեզ համար նորություն չէ, բայց որքան էլ բարբաջանք լինի, նա աշխարհի կողմից ընդունված երկրի ղեկավար է, ու ինձ այս պարագայում հետաքրքրում է մեր իշխանությունների լռությունը. այսօր հրավիրված ասուլիսին նման տեսակետ հայտնեց ազատամարտիկ, ԱԻՄ անդամ Գագիկ Սարուխանյանը՝ խոսելով «Ենի Ադրբեջան» կուսակցության համագումարում Ադրբեջանի նախագահ Հեյդար Ալիևի արած հայտարարության մասին, ըստ որի՝ Ադրբեջանի ռազմավարական նպատակը Երևանն ու Զանգեզուրը վերադարձնելն է:
«Նա իր այդ հայտարարությամբ քարտ-բլանշ տվեց մեր իշխանություններին, մեր արտգործնախարարությանը: Աշխարհի բոլոր քիչ թե շատ լուրջ երկրների նախագահների սեղաններին պետք է լիներ մեր պահանջագիրը»,- համոզմունք հայտնեց բանախոսը:
Ապա ԱԻՄ անդամը կարծիք հայտնեց, որ միանշանակ Մոսկվայի թույլտվությամբ է նման արտահայտություն արվել: «Ո՞նց կարող է մի փոքրիկ երկիր մեկ այլ փոքրիկ երկրի, առանց աշխարհի ուժեղների թույլտվության նման արտահայտություն անել, դա բացառվում է»,- ասաց ազատամարտիկը՝ ազգաբնակչությանը ինքնակազմակերպվելու կոչ անելով:
Մանրամասները՝ տեսանյութում:
