06.06.2026 | 20:00
Ում ենք ընտրում չընտրելով․ քվեարկության չԳնալու ՇԵՐՏԵՐԸ. ՏԵՍԱՆՅՈՒԹ
Մեզ համար կարևոր են ոչ թե խոսքերը, այլ գործերը․ ՀՀ արտգործնախարարը՝ Էրդողանի ուղերձի մասին. ՏԵՍԱՆՅՈՒԹ
Քաղաքականություն
26.04.2021 | 13:23
Հետպատերազմյան առաջին ապրիլի 24-ը հատուկ միջազգային հնչեղություն ունեցավ։ Այս տարի այդ օրը նշանավորվեց հայ ժողովրդին միջազգային հանրության կողմից շատ ուժեղ զորակցությամբ։ Այս մասին այսօր Լիտվայի ԱԳ նախարար Գաբրիելյուս Լանդսբերգիսի հետ համատեղ ասուլիսի ընթացքում հայտարարեց ՀՀ արտգործնախարար Արա Այվազյանը։
«Ծանոթ ենք Թուրքիայի նախագահի նամակին և այնտեղ հնչեցված պատրաստակամությանը, բայց պետք է նշեմ, որ մենք կարևորում ենք ոչ միայն խոսքերը, այլև գործերը։ Նախկինում էլ եղել են նման ուղերձներ։ Անգամ եղել է ստորագրված երկկողմ փաստաթուղթ, որը, սական, դրական շարունակություն չի ունեցել», նշեց նախարարը։
Հիշեցնենք՝ Թուրքիայի նախագահ Ռեջեփ Թայիփ Էրդողանն ապրիլի 24-ին ուղերձ էր հղել Թուրքիայի Հայոց պատրիարք Սահակ Մաշալյանին, որում նշված էր․ «Մեր ժողովուրդները դարեր շարունակ խաղաղ ապրել են այս հողերում: Մենք չպետք է թույլ տանք, որ մոռացվի թուրքերի և հայերի համակեցության մշակույթը, որը բազմապատկվել է հարյուրամյակների ընթացքում և օրինակ է համարվել ողջ մարդկության համար»։
Թուրքիայի նախագահը նշել էր, որ հարգում է Առաջին աշխարհամարտի տարիների ծանր պայմաններում Օսմանյան պետությունում զոհված հայերի հիշատակը, ցավակցում նրանց թոռներին և երախտագիտություն հայտնում Թուրքիայի հայերին՝ երկրում այսօր ընթացող արդար պայքարին աջակցելու համար։
Մանրամասները՝ տեսանյութում։
Նելլի Մելքոնյան
