19.04.2026 | 12:45
Հայ ծանրորդները մեկնարկում են Եվրոպայի առաջնությունում
Լևոն Արոնյանը հաջող է մեկնարկել առցանց միջազգային մրցաշարում
25.04.2021 | 18:28
Առցանց անցկացվող շախմատի New In Chess Classic միջազգային մրցաշարում հաջող է մեկնարկել Հայաստանը ներկայացնող շախմատիստ Լևոն Արոնյանը:
Մրցումային առաջին օրը կայացած հինգ տուրից հետո մեր գրոսմայստերը վաստակել է 3 միավոր և այժմ բաժանում է 4-7-րդ տեղերը: Նա մեկնարկային չորս պարտիաներն ավարտել է ոչ-ոքի, իսկ 5-րդ տուրում հաղթել է անգլիացի Գևայն Ջոնսին:
Մրցաշարային աղյուսակը գլխավորում են երեք շախմատիստ, որոնք ունեն 3,5-ական միավոր: Մեր շախմատիստն այսօր կայանալիք 6-10-րդ տուրերում կհանդիպի նրանցից երկուսի հետ` աշխարհի չեմպիոն Մագնուս Կառլսենի և իրանցի Ալիռեզա Ֆիրուջայի հետ:
Նշենք, որ մրցաշարն անցկացվում է արագ շախմատի կանոններով, 15+10 ձևաչափով: Նախնական փուլին մասնակցող 16 շախմատիստները պայքարում են փլեյ-օֆֆի 8 ուղեգրերի համար:
