27.04.2026 | 19:15
«Կրասնոդարի» մարզիչը բացատրել է՝ ինչու է երկրորդ խաղում անընդմեջ փոխարինել Էդուարդ Սպերցյանին
Ռուսաստանը հայտարարել է Ուկրաինայի հետ սահմանից զորքերի հետքաշման մասին
Քաղաքականություն
22.04.2021 | 18:22
Ռուսաստանի պաշտպանության նախարար Սերգեյ Շոյգուն հրամայել է ապրիլի 23-ից սկսել Հարավային ռազմական շրջանում զորավարժություններին մասնակցող զորքերը վերադարձնել իրենց մշտական տեղակայման վայրեր։ Կիևը և արևմտյան երկրները Ռուսաստանին կոչ էին անում հետ քաշել զորքերը ՝ վախենալով հակամարտության նոր փուլից, գրում է BBC-ի ռուսական ծառայությունը:
Շոյգուն որոշում է կայացրել ավարտել ստուգումները Հարավային և Արևմտյան ռազմական շրջաններում:
«Կարծում եմ, որ անակնկալ ստուգման նպատակներն ամբողջությամբ իրագործվել են: Զորքերը ցույց տվեցին երկրի հուսալի պաշտպանությունն ապահովելու կարողությունը», – հայտարարել է Շոյգուն Ղրիմում կայացած հանդիպման ժամանակ:
Գլխավոր շտաբին, ռազմական շրջանների և օդային ուժերի հրամանատարների առջև ռուս նախարարը խնդիր է դրել ապրիլի 23-ից պլանավորել և սկսել զորքերի վերադարձը: Նա հրաման է տվել Հարավային ռազմական շրջանի 58-րդ բանակի, Կենտրոնական ռազմական շրջանի 41-րդ բանակի, 7-րդ և 76-րդ օդային հարձակման և 98-րդ օդուժի անձնակազմերին վերադարձնել մշտական տեղակայման վայրեր մինչև մայիսի 1-ը:
Տաթև Ֆռանգյան
