19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
ԱՄՆ-ը մտադիր է մինչև 2050 թվականը հասնել զրոյական ջերմոցային գազերի արտանետումների
Քաղաքականություն
22.04.2021 | 20:53
ԱՄՆ նախագահ Ջո Բայդենը Կլիմայի հարցերով միջազգային գագաթնաժողովի ժամանակ այսօր հայտարարել է, որ մինչև 2030 թվականը ջերմոցային գազերի արտանետումների քանակը, 2005 թվականի մակարդակի համեմատ, կրկնակի կրճատելու պլանների մասին, իսկ մինչև 2050 թվականը Միացյալ Նահանգները մտադիր է հասնել զրոյական արտանետումների: Միևնույն ժամանակ, ԱՄՆ առաջնորդը համաշխարհային հանրությանը կոչ է արել ակտիվացնել ջանքերը՝ կլիմայի ճգնաժամը հաղթահարելու համար՝ շեշտելով, որ ոչ մի երկիր ունակ չէ միայնակ լուծել այս խնդիրը:
«Ոչ մի երկիր չի կարող կարգավորել այս կլիմայական ճգնաժամը միայնակ։ Մենք բոլորս, հատկապես՝ նրանք, ովքեր ներկայացնում են աշխարհի խոշորագույն տնտեսությունները, պետք է ակտիվանան»,- հայտարարել է ԱՄՆ նախագահը։
Նա նշել է, որ երկրները պետք է ակտիվ քայլեր ձեռնարկեն՝ երկիր մոլորակի կլիմայի փոփոխությունը կանխելու համար, քանի որ այս տասնամյակը վճռորոշ է դարձել այս պայքարում:
«Եկեք մեզ ավելի կայուն ապագա ապահովենք, հաղթահարենք ճգնաժամը, որը սպառնում է մարդկության գոյությանը։ Գիտնականներն ասում են, որ սա վճռորոշ տասնամյակ է։ Սա մի տասնամյակ է, որի ընթացքում մենք պետք է որոշում կայացնենք, որպեսզի խուսափենք կլիմայական ճգնաժամում վատագույն հետևանքները»,- հայտարարել է Բայդենը։
Տաթև Ֆռանգյան
