27.04.2026 | 18:01
Մերցը հայտարարել է, թե ԱՄՆ-ը «նվաստացած է» և ռազմավարություն չունի Իրանի հետ հակամարտության հարցում
ՌԴ-ն երկարաձգում է երկրում անօրինական գտնվողների ժամանակավոր կացության ժամկետը
Քաղաքականություն
22.04.2021 | 12:59
Ռուսաստանում որոշում կկայացվի ապօրինի ներգաղթյալների ժամանակավոր կացության և ժամանման վայրում հաշվառման կանգնելու ժամկետները երկարացնելու վերաբերյալ։ Այս մասին ասված է ՌԴ ՆԳՆ-ի՝ օտարերկրյա քաղաքացիներին ու նրանց ընտանիքի անդամներին ուղղված ուղերձում, գրում է Sputnik.kg-ն։
Նշվում է, որ բոլոր նրանք, ովքեր գտնվում են ՌԴ տարածքում, իրավունք ունեն ազատ տեղաշարժվել, ընտրել կացության վայր։ Հայտարարության մեջ նշվում է, որ հաշվի առնելով տնտեսության առանձին ճյուղերում աշխատանքային ռեսուրսների սղությունը, հնարավոր է օրինականորեն ներգրավել երկրում բնակվող օտարերկրացիներին ՝ աշխատելու շինարարության, կոմունալ ծառայությունների և գյուղատնտեսության ոլորտում։
«Համաձայն Ռուսաստանի Դաշնության նախագահի 2020 թ. ապրիլի 18-ի հրամանագրի` բոլոր նրանք, ովքեր գտնվում են Ռուսաստանի Դաշնությունում, խախտելով միգրացիոն օրենսդրությամբ սահմանված կարգը, հնարավորություն է ընձեռվում կարգավորել իրավական իրավիճակը՝ չկիրառելով նման դեպքերի համար նախատեսված պատժամիջոցները»,- ասված է հայտարարության մեջ:
Հիշեցնենք, որ մինչ այս հայտարարվել էր, որ Ռուսաստանում անօրինական գտնվող ԱՊՀ երկրների քաղաքացիները, այդ թվում՝ շուրջ 60 հազար ՀՀ քաղաքացիները, երկրից պետք է հեռանային մինչև հունիսի 15-ը:
Տաթև Ֆռանգյան
