18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Թշնամուն հսկայական զիջումներ արած վարչապետը գնում է մարզեր, փորձում մնալ իշխանության. Կարեն Սիմոնյան. ՏԵՍԱՆՅՈՒԹ
Քաղաքականություն
21.04.2021 | 17:45
Վարչապետ Նիկոլ Փաշինյանն այց էր կատարել Սյունիքի մարզ, այսօր մի քանի համայնքներում է եղել, այցն ընթացել է լարված մթնոլորտում, ինչը լայնորեն քննարկման առարկա է դարձել:
Factor.am-ի հետ զրույցում անդրադառնալով այս դիտարկմանը՝ «Լուսավոր Հայաստան» խմբակցության պատգամավոր Կարեն Սիմոնյանը նշեց. «Ինձ համար նորմալ չէ, որ պարտված երկրի ղեկավարը, որը թշնամուն հսկայական զիջումներ է արել (Արցախի տարածքի 70 տոկոսը կորցրել ենք, ունենք 5000 զոհ) և գնում է մարզեր ու փորձում է մնալ իշխանության: Ինձ համար դա պարադոքսալ է, չեմ կարողանում հասկանալ իշխանությանը կառչած մնալու այդ մոլուցքը:
Ինչ վերաբերում է Սյունիքի մարզում ստեղծված լարված իրավիճակին՝ պատգամավորը նկատեց, որ ինչքան մոտ ես վտանգին ու սպառնալիքին, այնքան ավելի սուր ու էմոցիոնալ ես արձագանքում այդ խնդրին. «Չպետք է մոռանալ, որ Սյունիքը առաջին գծում է և սահմանակից է ոչ միայն Նախիջևանի կողմից, այլ արդեն նաև Ադրբեջանի Հանրապետությանը, մարզը աքցանի մեջ է հայտնվել: Մարդիկ հասկանում են, որ Ադրբեջանի նկրտումներն ավելի են մեծանում, Ալիևի երեկվա հայտարարությունները նույնպես այդ մասին են վկայում: Թե էլ ինչ զիջումներ կանեն իշխանությունները, չգիտեմ, բայց այն, որ զիջող են, դա փաստ է:
«Հայհոյանքը հարց չի լուծելու, բայց սյունեցիները վտանգին ու սպառնալիքին շատ ավելի մոտ են, և էմոցիոնալ պիկը նրանց մոտ ավելի սուր է արտահայտվում, դա արդարացված է»:
Մանրամասները՝ տեսանյութում:
