Քաղաքականություն
13.02.2018 | 16:09«Երկիր Ծիրանիի» անդամները շարունակում են խոստացածի պես դժոխքի վերածել ավագանու նիստերը: Քվեարկությունից առաջ Զարուհի Փոստանջյանը տասնհինգ րոպե ընդմիջում պահանջեց, նա լրագրողների հետ զրւյցում չբացառեց, որ մինչև ավարտ, ամեն անգամ քվեարկությունից առաջ իրենք ընդմիջում կպահանջեն: «Դուք այստեղ եք գտնվելու, հետևեք և կտեսնեք, թե ինչ ենք անելու»,- խոստացավ Փոստանջյանը:
Ավագանու «Երկիր Ծիրանի» խմբակցության անդամ Սոնա Աղեկյանը նշեց, որ Տարոն Մարգարյանը սերտել է գումարներ յուրացնելու ձևերը. «Տարոն Մարգարյանի տեղը ՔԿՀ-ում զբաղեցնում են մեր հերոսները»:
Ի պատասխան՝ ավագանու Հանրապետական խմբակցության անդամ Աստղիկ Գևորգյանը ելույթ ունեցավ՝ նշելով, որ հոգնել են «Երկիր Ծիրանիի» ելույթներից, արյունոտ ձեռքերի մասին լսելուց: «Դուք պետք է ձեզ վատ զգաք քաղաքապետի զգոն կեցվածքից, մեր երևանցին շատ կիրթ է, կարդացած՝ ի տարբերություն ձեզ և շատ լավ հասկանում է՝ ով ով է: Ակամա հիշեցի գովազդը՝ աղբի տեղն աղբամանն է, իսկ ձեր տեղը հիվանդանոցն է: Ես վտսահ եմ, որ ձեր կարդացած վերջին գիրքն այբբենարանն է»,- դիմելով «Երկիր Ծիրանիի» անդամաներին ասաց նա:
