29.04.2026 | 10:20
Դրամն արժևորվել է․ արտարժույթների փոխարժեքները՝ ապրիլի 29-ի դրությամբ
Արամ Մանուկյանի վիճահարույց արձանի տեղադրման հարցն ընդունվեց
Հասարակություն
13.02.2018 | 14:40
Ավագանու Հանրապետական անդամ Հասմիկ Սարգսյանը, խոսելով այսօրվա նիստում կատարվածից, հարց հնչեցրեց ուղղված «Երկիր Ծիրանիի» անդամներին՝ այդ ինչ արգանդ է ձեզ լույս աշխարհ բերել. «Հայերենի իմ ողջ իմացությունը չի բավարարում որակել, թե ինչ էր ձեր արածը: Ես չգիտեմ ինչի համար, ինչ նպատակով էիք բերել այդ հեղուկը, դա ահաբեկչություն էր երևանցու հանդեպ»:
Նա շնորհակալություն հայտնեց Տարոն Մարգարյանից՝ նշելով որ ինքը քաղաքապետի փոխարեն չէր կարողանա այդքան «սառնասիրտ» լինել, ապա ակնարկելով «Երկի Ծիրանիի» անդամներին ասաց. «Մենք մեր դրախտային կերպարով կկարողանանք դիմակայել նրանց»:
Ավագանու «Ելք» խմբակցության անդամ Ալեն Սիմոնյանն էլ ելույթ ունեցավ՝ նշելով, որ անկախ ամեն ինչից, կնոջ վրա ձեռք բարձրացնելը ճիշտ չէ և դատապարտելի է: Անդրադառնալով Արամ Մանուկյանի արձանին՝ նա նշեց, որ դա այն արձանը չէ, որը պետք է կանգնեցվի Արամ Մանուկյանի պատվին. «Իմ լսած բոլոր արձագանքները բացասական են եղե»,- հավաստիացրեց նա:
Սակայն վիճահարույց արձանի տեղադրման հարցը քվեարկության արդյունքում քառասուներեք կողմ ձայնով ընդունվեց:
«Երկիր Ծիրանին» չմասնակցեց քվեարկությանը:
