27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
ՌԴ ՆԳՆ-ն կոչ է արել ԱՊՀ երկրներին՝ օգնել Ռուսաստանում ապօրինի գտնվող իրենց քաղաքացիներին՝ լքել երկիրը․ 61 հազար հայաստանցի պետք է լքի այդ երկիրը
Քաղաքականություն
19.04.2021 | 18:51
ՌԴ ՆԳՆ ղեկավարի տեղակալ Ալեքսանդր Գորովոյը ԱՊՀ երկրների ներկայացուցիչներին կոչ է արել քարոզչական աշխատանքներ իրականացնել և օգնել Ռուսաստանում ապօրինի գտնվող իրենց քաղաքացիներին՝ լքել երկիրը: Այս մասին նա հայտարարել է ԱՊՀ միջխորհրդարանական վեհաժողովի լիագումար նիստի ժամանակ, գրում է «Russia today»-ը:
Համաձայն ՌԴ ՆԳՆ վիճակագրության՝ այժմ Ռուսաստանում ավելի քան 332 հազար անօրինական միգրանտներ կան Ուզբեկստանից, 247 հազարը՝ Տաջիկստանից, 152 հազարը՝ Ուկրաինայից, 120 հազարը՝ Ադրբեջանից, 115 հազարը՝ Ղրղզստանից, 61 հազարը՝ Հայաստանից, 56 հազարը՝ Մոլդովայից, 49 հազարը՝ Ղազախստանից:
«Եվ եթե մենք ձեզ հետ այս թիվը մինչ հունիսի 15-ը չվերացնենք, ինչպես պահանջում է նախագահի հրամանը, այդ մարդիկ կպատժվեն՝ ընդհուպ մինչև արտաքսում ու սահմանների փակում։ Կցանկանայի, որպեսզի դուք ձեր երկրներում, ԶԼՄ-ների միջոցով քարոզչական աշխատանք կատարեիք»,- ասել է նա։
Տաթև Ֆռանգյան
