30.06.2026 | 14:17
Ավանեսյանը՝ Էդգար Ղազարյանի քրոջն աշխատանքից ազատելու մասին․ ՏԵՍԱՆՅՈՒԹ
Իրանը կարողացել է ստանալ մինչև 60% հարստացված ուրան
Քաղաքականություն
16.04.2021 | 18:43
Իրանի իշխանությունները կարողացել են ստանալ մինչև 60% հարստացված ուրանի առաջին խմբաքանակը։ Այս մասին Twitter-ի իր միկրոբլոգում հայտնել է Մեջլիսի պատգամավոր Մոհամմադ Բագեր Գալիբաֆը։
«Հպարտությամբ հայտնում եմ, որ այս գիշեր՝ 00։40-ին իրանցի գիտնականները կարողացել են ստանալ 60% հարստացմամբ ուրան։ Շնորհավորում եմ Իրանի քաջ ժողովրդին այս հաջողությամբ»,- նշել է նա։
Քաղաքական գործիչը հավելել է, որ «Իրանի ժողովուրդն ունակ է հաղթել թշնամու ցանկացած դավադրություն»։
Երկրի փոխնախագահ, Իրանի ատոմային էներգիայի կազմակերպության ղեկավար Ալի Աքբար Սալեհին իր հերթին հայտարարել է, որ Իրանի իշխանություններն արտադրել են ինը գրամ մինչև 60% հարստացված ուրան:
Տաթև Ֆռանգյան
