31.10.2026 | 19:51
Քննարկվել են ՀՀ և բրազիլական ինքնաթիռաշինական համաշխարային ընկերության միջև համագործակցության հնարավոր հեռանկարները
Ադրբեջանին ու Տաջիկստանին հրավիրել են մասնակցելու ԵՏՄ նիստին․ հայտնի է, թե որ երկիրն է հրավիրողը
Քաղաքականություն
16.04.2021 | 13:06
Ադրբեջանին ու Տաջիկստանին հրավիրել են մասնակցելու ԵՏՄ միջկառավարական խորհրդի նիստին։ Այս մասին «Սպուտնիկին» հայտնել է Եվրասիական տնտեսական հանձնաժողովի կոլեգիայի նախագահի օգնական Իյա Մալկինան։
Նիստը տեղի է ունենալու ապրիլի 29-30-ը՝ Կազանում։
Նշվում է նաև, որ այս առաջարկությունն արվել է Ղազախստանից։ Եվ հիմա ԵՏՄ երկրները քննարկում են այդ հնարավորությունը։ Սակայն կա շատ կարևոր նրբություն․ այս երկրների մասնակցության համար պահանջվում է բոլոր անդամ պետությունների համաձայնությունը։
Օրերս ՌԲԿ գործակալությունը, հիմնվելով Ռուսաստանում, Հայաստանում ու ԵՏՄ-ում իր աղբյուրների տեղեկատվության վրա, հայտնել էր, որ ԵՏՄ երկրները քննարկում են Կազանում կայանալիք միջկառավարական խորհրդի նիստին ադրբեջանական պատվիրակության հնարավոր մասնակցության հարցը։
Ըստ լրատվամիջոցի, դրան, սակայն, խանգարում են Երևանի ու Բաքվի միջև առկա հակասությունները։
Մասնավորապես, հայկական կողմի զրուցակիցը ՌԲԿ-ին պատմել էր, որ Բաքուն կարող է իր ներկայացուցիչներին Կազան ուղարկել, եթե դրան համաձայնի Երևանը։ Եվ որպեսզի դա տեղի ունենա, պետք է հաղթահարել մի շարք տարաձայնություններ․ առաջնային պիտի լուծվի հայ ռազմագերիների վերադարձի հարցը։
Նշենք, որ ԵՏՄ անդամ պետություններն են՝ Հայաստանը, Բելառուսը, Ղազախստանը, Ղրղզստանն ու Ռուսաստանը, դիտորդ պետություններն են՝ Մոլդովան, Ուզբեկստանն ու Կուբան։
Էմմա Չոբանյան
