19.02.2026 | 10:35
Մեկնարկում է Ժամանակակից երաժշտության փառատոնը
Պակիստանում ֆրանսիացիներին լուրջ վտանգ է սպառնում․ իսլամիստների ու ոստիկանների միջև բախումներ են գրանցվել
Քաղաքականություն
15.04.2021 | 18:12
Պակիստանում հազարավոր իսլամիստների ու ոստիկանների միջև բախումներ են գրանցել ՝ Մուհամեդ մարգարեին պատկերող ֆրանսիական ծաղրանկարները դատապարտող ցույցերի առաջնորդի ձերբակալության պատճառով, գրում է Reuters-ը։
Մահմեդականների համար Մուհամեդ մարգարեի պատկերումն անարգանք է։ Լրատվականը նշում է, որ դիվանագիտական շրջանակներից ստացված տեղեկությունների համաձայն՝ այս գիշեր Պակիստանում բնակվող Ֆրանսիայի քաղաքացիներին ու ֆրանսիական ընկերություններին հաղորդագրություն է ուղարկվել Թեհրիկ-ի-Լաբաիկ Պակիստան (TLP) ահաբեկչական խմբավորման կողմից թիրախավորվելու վտանգի մասին։
Աղբյուրները մասնավորապես հայտնել են, որ հաղորդագրությամբ Ֆրանսիայի քաղաքացիներին խորհուրդ է տրվել լքել Պակիստանը, իսկ ֆրանսիական ընկերություններին ժամանակավորապես դադարեցնել իրենց գործունեությունը՝ «Պակիստանում ֆրանսիական շահերին սպառնացող լուրջ վտանգի» պատճառով։
Տաթև Ֆռանգյան
