30.06.2026 | 17:45
Ի՞նչ գիտեք` մարդկանց չենք գեներացնում փողոց դուրս գալու համար. Սամվել Կարապետյան․ ՏԵՍԱՆՅՈՒԹ
ԱՄՆ-ն պատրաստվում է արտաքսել ռուս 10 դիվանագետի ու պատժամիջոցներ կիրառել ընդդեմ Ռուսաստանի․ Bloomberg
Քաղաքականություն
15.04.2021 | 15:17
Միացյալ Նահանգները պատրաստվում է պատժամիջոցներ կիրառել Ռուսաստանի դեմ՝ ՌԴ կողմից SolarWinds ընկերության վրա հաքերային հարձակման հետևում կանգնած լինելու ու ԱՄՆ նախագահական ընտրություններին միջամտելու կասկածանքների կապակցությամբ։ Այս մասին գրում է Bloomberg-ը՝ հղում կատարելով սեփական աղբյուրներին։
Ըստ այդ տվյալների՝ պատժամիջոցները կարող են վերաբերել մոտ մեկ տասնյակ ռուսների, որոնց թվում են «իշխանության ու հետախուզության ներկայացուցիչներ»։ Բացի այդ, պատժամիջոցները կարող են վերաբերել շուրջ 20 իրավաբանական անձանց, որոնց թվում են, ըստ ամերիկյան կողմի, ՌԴ հետախուզության կողմից վերահսկվող լրատվականները, ինչպես նաև Մոսկվայի օգտին գործող օտարերկրյա ընկերություններ։ Տեղեկացվում է, որ սահմանափակումները կարող են կիրառվել արդեն հինգշաբթի օրը։
Bloomberg-ի աղբյուրները նաև հայտնել են, որ ԱՄՆ իշխանությունները մտադիր են երկրից արտաքսել 10 ռուս պաշտոնատար անձանց ու դիվանագետների։
Տաթև Ֆռանգյան
