18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Ծափահարում էի անձամբ ես, որովհետև ՀՀ-ն ու Արցախն ունեն ապագա. Վահագն Ալեքսանյան. ՏԵՍԱՆՅՈՒԹ
Քաղաքականություն
14.04.2021 | 15:37
«Ակնհայտ է, որ քաղաքական հրահանգ է իջեցվել տարբեր մեդիա-տիրույթներում տիրաժավորել և շահարկման առիթ դարձնել, թե ինչու էինք մենք ծափահարում վարչպետի այն հայտարարությանը, թե Հայաստանի Հնարապետությունն ունի ապագա, Արցախի Հանրապետությունն ունի ապագա: Հարկ եմ համարում նշել, որ ծափահարել եմ անձամբ ես, որովհետև հավատում եմ Հայաստանն ու Արցախը ունեն ապագա: Այս մասին, այսօր՝ ապրիլի 14-ին, ԱԺ-ում լրագրողների հետ զրույցում նշեց «Իմ քայլը» խմբակցության նոր մանդատ ստացած պատգամավոր Վահագն Ալեքսանյանը:
«Հայաստանն ու Արցախն ունեն ապագա՝ ի հեճուկս բոլոր նրանց, ովքեր ցանկանում են Հայաստանի ու Արցախի Հանրապետությունները տեսնել մոխրացած, ու այդ մոխիրների վրա կառուցել իրենց հերթական դղյակները, քշել հերթական ամենանոր «Ջիփ»–երը։ Հավատում եմ, որ ՀՀ-ն ունի ապագա, և այս ապագան ՀՀ-ն ունենալու է՝ անկախ նրանից, թե որ իշխանությունը կլինի Հայաստանում»,- նշեց Ալեքսանյանը:
