27.04.2026 | 21:53
Հայաստանն ու Ադրբեջանը աշխարհի ամենառազմականացված երկրների շարքում են
Մեծ Բրիտանիան գրեթե իր ողջ զորակազմը դուրս կբերի Աֆղանստանից․ The Times
Քաղաքականություն
14.04.2021 | 16:07
Մեծ Բրիտանիան գրեթե իր ողջ զորակազմը դուրս կբերի Աֆղանստանից, գրում է The Times-ը ՝ վկայակոչելով իր աղբյուրներին: Նախօրեին ՝ ապրիլի 13-ին, ԱՄՆ նախագահի վարչակազմը հայտարարեց Աֆղանստանից իր զորքերի դուրսբերման ժամկետների վերանայման մասին, այժմ դա նախատեսվում է անել մինչև սեպտեմբերի 11-ը, այլ ոչ թե մինչև մայիսի 1-ը:
Պարբերականի տվյալներով ՝ ներկայում Աֆղանստանում կա շուրջ 750 բրիտանացի զինվոր: Միևնույն ժամանակ, ԱՄՆ զորքերի դուրսբերումից հետո նրանք կարող են դժվարությունների առաջ կանգնել, քանի որ օգտագործում են նրանց բազաներն ու ենթակառուցվածքները: Բացի այդ, Մեծ Բրիտանիան կարող է Քաբուլում գտնվող ակադեմիայի վերահսկողությունը փոխանցել Աֆղանստանի կառավարությանը, որտեղ բրիտանացի մասնագետները վերապատրաստում են տեղի զինվորներին:
Այն բանից հետո, երբ ԱՄՆ-ը հայտարարեց զորքերի դուրսբերման հետաձգման մասին, «Թալիբան» շարժումը հայտարարեց, որ իր պատվիրակությունը չի մասնակցի Աֆղանստանի վերաբերյալ որևէ խորհրդաժողովի, քանի դեռ բոլոր արտաքին ուժերը չեն լքել երկիրը:
Տաթև Ֆռանգյան
