17.04.2026 | 23:38
Ավտոերթով պայմանավորված՝ երթևեկությունը որոշ հատվածներում ժամանակավորապես կսահմանափակվի. ՆԳՆ
Հոկտեմբերին փոխնախարար Բալայանին ասացի՝ դասալքություն կա, ասաց՝ զբաղվեք Ձեր գործով. Սոֆյա Հովսեփյան. ՏԵՍԱՆՅՈՒԹ
Քաղաքականություն
12.04.2021 | 18:02
«Փորձում ենք զոհված և անհետ կորած զինծառայողների ծնողների ցասումը հանդարտեցնել, բայց դա հնարավոր չէ: Պատասխանատվությունից փորձում են խուսափել, բայց պետք է գիտակցեն, որ տեղի է ունեցել հանցագործություն, և այդ հանցագործության հետևանքով պետք է լինեն պատիժներ: Factor.am-ի հետ զրույցում այս մասին նշեց ԱԺ պատգամավոր Սոֆյա Հովսեփյանը:
«Այսօր չկա, որևէ մեկը, որ պատժվել է, կան հարուցված քրեական գործեր, վստահ եմ, որ միայն այն անձանց նկատմամբ, ովքեր դասալիքներ են համարվել, բայց վստահ եմ, որ այդ գործերը շուտով կփակվեն, որովհետև եթե ուսումնասիրենք և հասկանանք, թե դասալքության պատճառները որոնք են, կհասկանանք, որ անկազմակերպվածության, անտերության ու քաոսային իրավիճակի պատճառով է եղել:
Ես՝ ինքս, ամսի 28-ից ահազանգել եմ պաշտպանության նախարարություն, ասել եմ, որ Ջաբրայիլում սկսվում է մասսայական դասալքություն և կան անձինք, որոնք հորդորում են փախչել, ասելով, որ մսաղացի բերան են եկել:
Փոխնախարար պարոն Բալայանին հոկտեմբերին ասացի՝ դասալքություն կա, ասաց՝ զբաղվե՛ք Ձեր գործով»,- նշեց Հովսեփյանը՝ ընդգծելով, որ ՊՆ պատասխանատու անձինք տեղում չեն եղել, և այս իրավիճակն է ստեղծվել:
Մանրամասները՝ տեսանյութում:
