30.06.2026 | 17:45
Ի՞նչ գիտեք` մարդկանց չենք գեներացնում փողոց դուրս գալու համար. Սամվել Կարապետյան․ ՏԵՍԱՆՅՈՒԹ
Արշակ Կարապետյանն ավարտում է իր աշխատանքը Հանրապետության Նախագահ Արմեն Սարգսյանի հետ
Հասարակություն
12.04.2021 | 12:57
«Երևան իմ սեր» հիմնադրամի նախկին տնօրեն Արշակ Կարապետյանը ֆեյսբուքյան գրառմամբ տեղեկացնում է, որ առհասարակ ավարտում է իր աշխատանքը Հանրապետության Նախագահ Արմեն Սարգսյանի հետ:
Կարապետյանը գրում է, որ նախքան «Երևան իմ սեր» հիմնադրամի տնօրենի պաշտոնից հրաժարվելը Հանրապետության Նախագահ Արմեն Սարգսյանից առաջարկություն է ստացել ղեկավարելու ԱՏՕՄ նախագիծը, սակայն պատերազմը, դրան հաջորդած իրադրությունը և ՔՈՎԻԴ-ով վարակվելը հետաձգել է նախագծի՝ հայաստանյան գործունեության վերաբերյալ քննարկումները մինչև 2021թ․ գարուն, ուստի որոշել է զբաղվել այլ գործունեությամբ ու նախընտրելի համարել հրաժարվել նաև այդ նախագծով համագործակցությունից։
«Նախագահ Արմեն Սարգսյանի հետ ունեցել ենք և ունենք շատ լավ հարաբերություններ։ Շնորհակալ եմ ավելի քան տասը տարվա վստահության և համատեղ աշխատանքի համար։ Այս պահին դադարել են ընդամենը աշխատանքային հարաբերությունները և որևէ ինտրիգ, կոնֆլիկտ, սկանդալ, լարվածություն պետք չէ փնտրել։
Հետևաբար՝ էթիկապես ճիշտ չեմ համարում մեկնաբանություններ տալ վերոգրյալ հարցերի վերաբերյալ։
Ընդամենը այսքանը )))»,- գրել է նա:
