19.02.2026 | 22:01
Երևանի և 9 մարզի մի շարք հասցեներում էլեկտրաէներգիայի անջատումներ կլինեն
ԱՄՆ-ում ոստիկանները գնդակահարել են 20-ամյա սևամորթի․ Մինեսոտա նահանգում բողոքի ցույցեր են
Քաղաքականություն
12.04.2021 | 12:34
ԱՄՆ Բրուքլին Սենթր քաղաքում բողոքի ցույցեր են սկսվել այն բանից հետո, ինչ կիրակի օրը ոստիկանը գնդակահարել է մի սևամորթի: Այս մասին հայտնում է Star Tribune թերթը:
Համաձայն թերթի տվյալների՝ խոսքը գնում է 20-ամյա Դանթե Ռայթի մասին։ Քաղաքի ոստիկանության աշխատակիցը ճանապարհային երթևեկության կանոնները խախտելու համար կանգնեցրել է նրա ավտոմեքենան։ Այնուհետև պարզվել է, որ երիտասարդին ձերբակալելու օրդեր են եղել հանձնված, սակայն թե ինչ պատճառով, չի պարզաբանվում։ Ռայթը չի ենթարկվել իրավապահների պահանջին, որոնք փորձել են նրան ձերբակալել ու նստել է իր մեքենան:
Ոստիկաններից մեկը կրակել է երիտասարդի վրա։ Ինչից հետո ավտոմեքենան շարունակել է իր ընթացքն ու բախվել է մեկ այլ մեքենայի։ Ռայթին բուժօգնություն են ցուցաբերել, սակայն նա տեղում մահացել է։ Ավտոմեքենայում նաև մի կին է եղել։ Նա ևս վնասվածքներով հոսպիտալացվել է։ Նրա կյանքին վտանգ չի սպառնում։
Կատարվածի պատճառով շուրջ 500 մարդ հավաքվել է քաղաքի ոստիկանության շենքի մոտ։ Ցուցարարները հրաժարվել են հեռանալ՝ ոստիկանների պահանջի համաձայն։ Իրավապահները արցունքաբեր գազ, լուսաձայնային նռնակներ ու ռետինե փամփուշտներ են կիրառել։
Բացի այդ, շուրջ 200 մարդ հավաքվել է այն վայրում, որտեղ մահացել է Ռայթը։ Նրանք վնասել են ոստիկանության երկու ավտոմեքենա։ Ոստիկանների ու ցուցարարների միջև բախումներ են գրանցվել։ Քաղաքում գողության դեպքեր են գրանցվել։ Մինեսոտա նահանգի նահանգապետն ու Բրուքլին Սենթրի քաղաքապետը հայտարարել են, որ հետևում են իրադարձությունների զարգացմանը։
Տաթև Ֆռանգյան
