11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Իտալիայի վարչապետն Էրդողանին բռնապետ է անվանել․ Թուրքիայի ԱԳՆ-ն դեսպանից բացատրություն է պահանջել
Քաղաքականություն
09.04.2021 | 11:55
Իտալիայի վարչապետ Մարիո Դրագին խոսել է Անկարայում տեղի ունեցած արձանագրային սկանդալի մասին, որը կապված էր Եվրահանձնաժողովի նախագահ ֆոն դեր Լեյենի համար Էրդողանի կողքին աթոռ չդնելու հետ, երբ վերջինս ստիպված էր զրույց վարել բազմոցին նստած, գրում է Euronews-ը:
«Ըստ իս՝ թուրք պաշտոնատար անձանց պահվածքն անընդունելի է։ Շատ ցավում եմ այն ամենի համար, ինչ ստիպված է եղել հանդուրժել ֆոն դեր Լեյենը։ Եկեք իրերն իրենց անուններով կոչենք․ բռնապետերի հետ մենք պետք է համագործակցենք, սակայն դա չպետք է մեզ խանգարի մեր տեսակետներն արտահայտելու հարցում անկեղծ լինել, տեսակետ այն մասին, թե ինչպես պետք է զարգանա հանրությունը»,- ասել է Մարիո Դրագին։
Անկարան արդեն հայտարարել է, որ ֆոն դեր Լեյենը, Շառլ Միշելի ու Էրդողանի հետ հանդիպմանը հետևել է ԵՄ պաշտոնական արձանագրության պահանջներին և Իտալիայի դեսպանին կանչել բացատրության:
Թուրքիայի ԱԳՆ ղեկավարը շեշտել է, որ դատապարտում է «վարչապետ Դրագիի պոպուլիստական հռետորաբանությունը»՝ մատնանշելով, որ Ապենինների կաբինետի ղեկավարը «քաղաքականորեն նշանակված անձ է», իսկ Էրդողանը՝ «ընտրված նախագահ»:
Քննադատությունների ալիքի տակ է հայտնվել նաև Եվրախորհրդարանի նախագահ Շառլ Միշելը, որը, փոխարենը իր տեղը ֆոն դեր Լեյենին զիջելու, նստել է աթոռին։
Ավելի ուշ վերջինս ներողություն է խնդրել, և նրա ներողությունն ընդունվել է։
Տաթև Ֆռանգյան
