30.06.2026 | 17:28
ՌԴ և Կիպրոսի քաղաքացիություններից հրաժարվելու միակ պայմանը վարչապետ դառնա՞լն է. հարց` Կարապետյանին․ ՏԵՍԱՆՅՈՒԹ
Հավակնոտ նախագծերի համար ՌԴ-ում ներգաղթյալների պակաս կա․ Պեսկով
Քաղաքականություն
08.04.2021 | 19:21
Ռուսաստանում ներգաղթյալների թիվը վերջին մեկ տարվա ընթացքում զգալիորեն նվազել է, և այժմ նրանց թիվն անգամ չի բավականացնում հավակնոտ նախագծեր իրականացնելու համար: Այս մասին հինգշաբթի լրագրողներին ասել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը:
«Կարող եմ փաստել իրականությունը, որ ներգաղթյալների թիվը վերջին մեկ տարում շատ է նվազել։ Մենք ներգաղթյալների կարիք շատ ու շատ ունենք՝ հավակնոտ նախագծեր իրականացնելու համար»,- ասել է Պեսկովը՝
պարզաբանելով, որ խոսքը գնում է կառուցապատման ոլորտում նախագծերի մասին։
«Մենք պետք է ավելին կառուցենք, քան հիմա ենք կառուցում: Մենք պետք է զգալիորեն ավելի շատ կառուցենք։ Բայց դրա համար մեզանից պահանջվում են աշխատող ձեռքեր: Համաճարակի պատճառով դրանք ավելի են պակասել»,- ասել է Պեսկովը:
Տաթև Ֆռանգյան
