26.08.2026 | 14:17
Առուշ Առուշանյանի գործունեությունը ինչպե՞ս եք գնահատում․ ՔՊ-ականը՝ Գորիսի նախկին փոխքաղաքապետին․ ՏԵՍԱՆՅՈՒԹ
Ռուս խաղաղապահներն ապահովել են Շուշիի մերձակայքում վնասված գազատարի վերանորոգման աշխատանքների անվտանգությունը
Քաղաքականություն
08.04.2021 | 11:53
Ռուս խաղաղապահներն ապահովել են Շուշի քաղաքի մոտակայքում՝ կողմերի սահմանազատման գծի մերձակայքում գազատարի վնասված հատվածի վերականգնման աշխատանքներ իրականացնողների անվտանգությունը։ Այս մասին հայտնում են ՌԴ ՊՆ-ից։
ՌԴ Մարդասիրական ականազերծման ստորաբաժանման սակրավորները ստուգել են դեպի գազատար տանող ճանապարհին պայթուցիկ նյութերի առկայությունը: Մարդասիրական արձագանքման կենտրոնի զինծառայողները վերանորոգման ծառայության ներկայացուցիչներին ուղեկցել են վթարի վայր և ապահովել գազատարի վերականգնման աշխատանքների անվտանգ անցկացումը:
Բացի այդ, Մարդասիրական արձագանքման կենտրոնի զինծառայողները կազմակերպել են Ռուսաստանի հասարակական կազմակերպությունների և բարեգործական հիմնադրամների կողմից Արցախ տեղափոխված մարդասիրական օգնության առաքումը Ասկերանի շրջանի Խնածախ գյուղ: Մարդասիրական ակցիայի ընթացքում ռուս խաղաղապահները բազմանդամ ընտանիքներին, ներքին տեղահանվածներին և գաղթականներին հանձնել են ծալովի մահճակալներ, ծածկոցներ, բարձեր, կերակուր պատրաստելու գազայրիչներ, սնունդ և առաջին անհրաժեշտության իրեր:
Տաթև Ֆռանգյան
