11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Սերգեյ Շոյգուն ու Վաղարշակ Հարությունյանը քննարկել են ԼՂ-ում իրավիճակի կարգավորման հարցը
Քաղաքականություն
07.04.2021 | 12:49
Ռուսաստանի պաշտպանության նախարար Սերգեյ Շոյգուն Հայաստանի պաշտպանության նախարար Վաղարշակ Հարությունյանի հետ հեռախոսազրույցում քննարկել է Լեռնային Ղարաբաղում իրավիճակի կարգավորման հարցը: Այս մասին չորեքշաբթի օրը հայտնել են Ռուսաստանի Պաշտպանության նախարարությունից, գրում է ՏԱՍՍ-ը։
«Չորեքշաբթի Ռուսաստանի Դաշնության պաշտպանության նախարար, բանակի գեներալ Շոյգուն հեռախոսազրույց է ունեցել ՀՀ պաշտպանության նախարար Հարությունյանի հետ: Պաշտպանության նախարարությունների ղեկավարները քննարկել են ԼՂ հակամարտության կարգավորման հետ կապված իրավիճակը, ինչպես նաև փոխադարձ հետաքրքրություն ներկայացնող այլ հարցեր», – ասված է հայտարարության մեջ:
Զրույցը տեղի է ունեցել Մոսկվայում Ռուսաստանի նախագահ Վլադիմիր Պուտինի և Հայաստանի վարչապետ Նիկոլ Փաշինյանի միջև նախատեսված բանակցությունների նախօրեին:
