Տնտեսություն
06.04.2021 | 11:09ԱԺ ֆինանսավարկային և բյուջետային հարցերի հանձնաժողովն այսօր քննարկեց և հավանության արժանացրեց Կառավարության ներկայացրած «Հայաստանի Հանրապետության կենտրոնական բանկի մասին» օրենքում լրացում կատարելու մասին օրենքի նախագիծը, որով առաջարկվում է ստեղծել բանկային հաշիվների կենտրոնացված ռեեստր։
Հանձնաժողովի նախագահ Արկադի Խաչատրյանը պարզաբանեց, որ նախագծի փոփոխություններով նախատեսվում է հավաքագրել տեղեկություն բոլոր քաղաքացիների հաշիվների վերաբերյալ։․
«Սա չի ենթադրում դրամական միջոցների շարժի կամ հաշիվների մնացորդների վերաբերյալ տեղեկատվություն։ Դա այն հատվածն է, որն առավել զգայուն է քաղաքացիների համար: Կենտրոնական բանկը հավաստիացրեց, որ նման տեղեկատվություն չի հավաքագրվելու և չի պահվելու այդ ռեեստրում»,- նշեց Խաչատրյանը։
Մանրամասները՝ տեսանյութում։
