18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Համաձայն չեմ, որ պատահական մարդիկ են դարձել պատգամավոր. Կարապետ Մխչյան. ՏԵՍԱՆՅՈՒԹ
Քաղաքականություն
05.04.2021 | 16:44
Սա պատկերավոր համեմատություն է. քաղաքացիների հետ հանդիպման ժամանակ վարչապետի՝ իրեն բնորոշ ոճով արված համեմատություններից մեկն է: Պետք չէ շատ կենտրոնանալ նմանատիպ համեմատությունների վրա: Այս մասին Factor.am-ի հետ զրույցում նշեց «Իմ քայլը» խմբակցության պատգամավոր Կարապետ Մխչյանը՝ անդրադառնալով դիտարկմանը, որ մարզային այցերից մեկի ժամանակ վարչապետն ասել էր, թե այս ընտրությունները լինելու են գելխեղդների հաղթանակը գելերի նկատմամբ:
Պատգամավորի կարծիքով՝ իշխող քաղաքական ուժը հաղթելու է առաջիկա արտահերթ ընտրություններում: Նրա խոսքով՝ կա քաղաքացիների մի ստվար զանգված, որը չի կողմնորոշվել ընտրություններին մասնակցելու է, թե ոչ, և մասնակցելու դեպքում՝ որ քաղաքական ուժի օգտին է քվեարկելու. «Սակայն նախընտրական քարոզարշավի ժամանակ պետք է հնարավոր ամեն ինչ անենք, որպեսզի այդ քաղաքացիներից շատերը դառնան մեր ընտրողը»:
Անդրադառնալով հարցին, թե ինչ սկզբունքով է կազմվելու ՔՊ ցուցակը՝ հաշվի առնելով նաև այն, որ 2018-ի ընտրությունների ժամանակ, շատերի գնահատմամբ, որոշ մարդիկ պատահական էին հայտնվել ցուցակում և դարձել պատգամավոր, Մխչյանը նշեց. «Համաձայն չեմ, որ պատահական մարդիկ են դարձել պատգամավոր: Բացի դրանից՝ այս անգամ ընտրակարգն է տարբեր, ռեյտինգային ընտրակարգը չի լինելու, այլ պարզ համամասնական ընտրակարգով են ընտրություններն անցկացվելու: Վստահ եմ՝ ունենալու ենք առավելագույնս ներկայացուցչական ցուցակ, որը վստահություն կներշնչի մեր քաղաքացիներին»:
Մանրամասները՝ տեսանյութում:
