26.08.2026 | 12:45
Սերժ Սարգսյանի նկատմամբ խափաման միջոց է ընտրվել բացակայելու արգելքը
Վերսկսել են Իսրայելի վարչապետ Նեթանյահուի նկատմամբ հարուցված քրգործով լսումները
Քաղաքականություն
05.04.2021 | 11:43
Երուսաղեմում դատարանը վերսկսել է երկրի վարչապետ Բենյամին Նեթանյահուի նկատմամբ հարուցված կոռուպցիայի գործով դատական լսումները։ 71-ամյա Նեթանյահուն երեք տարբեր քրեական գործերով մեղադրվում է կաշառակերության, խարդախության ու վստահության չարաշահման մեջ, գրում է BBC-ի ռուսական ծառայությունը։
Համաձայն իսրայելական լրատվամիջոցների՝ Նեթանյահուն արդեն իսկ ժամանել է դատարան։
Ինչպես ակնկալվում է, դատարանում կներկայանան մեղադրող կողմի վկաները։ Ապրիլի 5-ին դատարան կանչված վկաների ցուցակը հրապարակել է իսրայելական Jerusalem Post թերթը։
Փետրվարին կայացած լսումների ժամանակ Նեթանյահուն հայտարարել է իր անմեղության մասին:
Հավելենք, որ Նեթանյահուի դատավարությունը մի քանի անգամ հետաձգվել է կորոնավիրուսի համաճարակի, ինչպես նաև երկրում անցկացվող ընդհանուր ընտրությունների պատճառով, որոնց ընթացքում քննարկվող հիմնական թեմաներից էին վարչապետի դեմ ներկայացված մեղադրանքները:
Տաթև Ֆռանգյան
