20.05.2026 | 22:49
ՌԴ-ն ուզում է ՀՀ-ում իրավիճակը լարվի, որ իր ազդեցությունը հետ վերադարձնի․ Արամ Սարգսյան. ՏԵՍԱՆՅՈՒԹ
Կապիտոլիումի մոտ մեքենան հարվածել է ոստիկաններին․ զոհեր կան
Քաղաքականություն
02.04.2021 | 23:14
Անհայտ փոխադրամիջոցը ԱՄՆ Կոնգրեսի մոտ գտնվող անցակետում հարվածել է պահպանություն իրականացնող ոստիկանության երկու սպաների, հաղորդում է ՌԻԱ Նովոստին:
Միջադեպի մեղավորն ու տուժած ոստիկաններից մեկը մահացել են։ Այս մասին հայտնել է Կապիտոլիումի ոստիկանության ղեկավարի ժամանակավոր պաշտոնակատար Յոհանանդա Փիթմանը։
Նրա խոսքով՝ պատահարի հեղինակը, որի անձը դեռևս չի բացահայտվում, ավտոմեքենայով երկու ոստիկանի է վրաերթի ենթարկել, այնուհետև դուրս է եկել մեքենայից և դանակով մոտեցել իրավապահներին։
«Կապիտոլիումի ոստիկանության աշխատակիցները կրակ են բացել կասկածյալի ուղղությամբ։ Ներկայում ճշտում են նրա ինքնությունը»,- նշել է Փիթմանը՝ հավելելով, որ երկու ոստիկանները հոսպիտալացվել են, նրանցից մեկն ավելի ուշ ստացված վնասվածքների հետևանքով մահացել է։
Միջադեպի պատճառով Վաշինգտոնում մի շարք փողոցներ փակ են: Ոստիկանությունը հաղորդել է, որ առաջիկայում հանդես կգան մամուլի համար հայտարարությամբ: Նախնական տվյալներով՝ միջադեպը կապ չունի ահաբեկչության հետ։
