06.05.2024 | 21:44
Կայացել է «Երևան օփեն» մարմնամարզության միջազգային մրցաշարի եզրափակիչ փուլը
Ուկրաինան Ղրիմի հետ սահմանին զորավարժություններ է անցկացրել
Քաղաքականություն
02.04.2021 | 12:43
Ուկրաինայի Զինված ուժերի և ինժեներական ստորաբաժանումները հրետանու և ռազմական ավիացիայի աջակցությամբ զորավարժություններ են անցկացրել Ղրիմի սահմանին՝ ականապատ դաշտերը վերազինելու ուղղությամբ։ Այս մասին այսօր հայտնել են Ուկրաինայի ԶՈՒ միացյալ ուժերի հրամանատարության մամուլի ծառայությունից, գրում է «ՌԻԱ Նովոստին»:
«Ինժեներա-սակրավորական ստորաբաժանումների զինծառայողները, որոնք մարտական հերթապահություն են իրականացնում ժամանակավորապես գրավված Ղրիմի Ինքնավար Հանրապետության տարածքի սահմանի երկայնքով՝ Սև ծովի և Ազովի ծովի ափին, հրետանու և բանակի ավիացիայի աջակցությամբ, իրականացրել են պայթուցիկ խոչընդոտների տեղակայման գործնական վարժանքներ»,- ասված է մամուլի հաղորդագրության մեջ:
Ուկրաինայի Զինված ուժերի միացյալ ուժերի հրամանատար Սերգեյ Նաևը նշել է, որ պահեստային զինվորականները գրեթե ամեն շաբաթ ափամերձ տարածքներում գործնական վարժանքներ են իրականացնում՝ ծովային դեսանտի հնարավոր իջեցմանը հակազդելու համար։
Տաթև Ֆռանգյան
