20.02.2026 | 02:07
Ադելիա Պետրոսյանը մեդալ չնվաճեց ձմեռային Օլիմպիական խաղերում
Իսկ Էդմոն Մարուքյանի կուսակցությունում ո՞վ է որոշում թեկնածուների հերթականությունը. Ա. Ջուլհակյան․ ՏԵՍԱՆՅՈՒԹ
Քաղաքականություն
01.04.2021 | 18:12
«Տասովշչիկները մեզ համար չեն աշխատել մեզ համար»,- այս մասին Factor.am-ի հետ զրույցում նշեց «Իմ քայլը» խմբակցության պատգամավոր Արուսյակ Ջուլհակյանը՝ անդրադառնալով դիտարկմանը, որ «Իմ քայլի» 44 պատգամավոր ընտրվել է ռեյտինգային ընտրակարգով:
«Տասովշչիկների համակարգն օգտագործվում էր ՀՀԿ-ի վերարտադրությունն ապահովելու համար: Դա մեծ չարիք է, քանի որ ոչ միայն օգնել է կոնկրետ անձանց՝ հայտնվել խորհրդարանում և սպասարկել նեղ անձնային կամ խմբային շահեր, այլ նաև օգնել է, որ նրանց հայտնվելուն զուգահեռ նրանց առաջադրող կուսակցությունները շահեն դրանից… 2018-ի ընտրությունների ժամանակ ԸՕ-ն չէր փոխվել, բայց տասովչիկները «ծակը մտած» վիճակում էին՝ թաքնված էին»,- նշեց Ջուլհակյանը:
Էդմոն Մարուքյանի դիտարկմամբ՝ «Իմ քայլը» այնպիսի ընտրակարգ է մշակում, որով վարչապետն է որոշելու է, թե ովքեր են լինելու պատգամավոր, և սա անում են, որ վաղը մյուս օր Ստեփանակերտն էլ հանձնեն, ոչ ոք խմբակցությունից դուրս չգա և չհամարձակվի վարչապետին ընդդիմանալ: Անդրադառնալով այս դիտարկմանը՝ Ջուլհակյանը նշեց. «Էդմոն Մարուքյանը ստիպված է լինում ժամանակ առ ժամանակ, ըստ իր քաղաքական նպատակահարմարությունների, փոխել դիրքորոշումը: 2018-ին Էդմոն Մարուքյանն ԱԺ ամբիոնից ելույթ էր ունենում և հայտարարում, որ ճիշտը համամասնական ընտրակարգն է, որովհետև պետք է տարանջատել բիզնեսը քաղաքականությունից… Իսկ Էդմոն Մարուքյանի կուսակցությունում ո՞վ է որոշում թեկնածուների հերթականությունը»:
Մանրամասները՝ տեսանյութում:
