10.10.2026 | 21:37
Կանանց Հայաստանի հավաքականը ոչ-ոքի խաղաց Ինդոնեզիայի հետ
Նաուրուն պաշտոնապես հայտարարել է Աբխազիայի և Հարավային Օսիայի ճանաչումը չեղարկելու մասին
Քաղաքականություն
31.07.2026 | 20:23
Նաուրուի Հանրապետության կառավարությունը պաշտոնապես հայտարարել է Աբխազիայի և Հարավային Օսիայի անկախության ճանաչումը չեղարկելու մասին:
«Նաուրուի Հանրապետության կառավարությունը հայտարարում է Հարավային Օսիայի Հանրապետության և Աբխազիայի Հանրապետության՝ որպես անկախ պետություններ ճանաչումը հետ կանչելու մասին։ Նաուրուի Հանրապետությունն անհապաղ դադարեցնում է դիվանագիտական հարաբերությունները Հարավային Օսիայի և Աբխազիայի հետ: Համապատասխան կողմերը պաշտոնապես կտեղեկացվեն դիվանագիտական ուղիներով»,- ասվում է տարածված հայտարարությունում։
Հուլիսի 29-ին հայտնի էր դարձել, որ Նաուրուն խզել է դիվանագիտական հարաբերություններն Աբխազիայի և Հարավային Օսիայի հետ։
Վրաստանի արտաքին գործերի նախարարությունն այս որոշումը որակել է որպես միջազգային իրավունքի սկզբունքների նկատմամբ հարգանքի նշան և հայտարարել, որ Թբիլիսին պատրաստ է դիվանագիտական հարաբերություններ հաստատել Նաուրուի հետ և ամրապնդել երկկողմ համագործակցությունը՝ հիմնվելով ընդհանուր շահերի վրա։
«Այս որոշումը ևս մեկ անգամ հաստատում է, որ միջազգային իրավունքի նկատմամբ հարգանքն ու պահպանումն առողջ միջազգային հարաբերությունների հիմքն են»,- ասվում է ԱԳՆ հայտարարության մեջ։
Թարգմանությունը՝ Էմմա Չոբանյանի
