08.11.2024 | 13:45
Մինչև տարեվերջ շահագործման կհանձնվի Ծովագյուղի երիտասարդական կենտրոնը
ԱՄՆ-ն անհանգստացած է Դոնբասում և Ղրիմում Ռուսաստանի ագրեսիայով․ Բլինքեն
Քաղաքականություն
01.04.2021 | 15:30
Միացյալ Նահանգներն անհանգստություն է հայտնել Ղրիմում և Ուկրաինայի արևելքում Ռուսաստանի գործողությունների կապակցությամբ, գրում է «Էխո Կավկազան»։
ԱՄՆ պետքարտուղար Էնթոնի Բլինքենը Ուկրաինայի արտգործնախարար Դմիտրի Կուլեբայի հետ հեռախոսազրույցի ժամանակ ընդգծել է «ԱՄՆ-ի անսասան աջակցությունը» Ուկրաինայի տարածքային ամբողջականությանը՝ «Դոնբասում և Ղրիմում ռուսական ագրեսիայի շարունակման» պայմաններում: Պենտագոնի մամլո քարտուղար Ջոն Քիրբին մեղադրել է Ռուսաստանին Ուկրաինայի արևելքում հրադադարի խախտման մեջ։
Քիրբիի խոսքով՝ Ռուսաստանի ապակայունացնող գործողությունները խաթարում են ապաէսկալացման գործընթացը, որը սկսվել է անցյալ տարի։
«Մենք ծանոթ ենք ուկրաինացի զինվորականների զեկույցին՝ Ուկրաինայի սահմաններին ռուսական զորքերի տեղաշարժի մասին»,- ընդգծել է Պենտագոնը։
CNN-ը, վկայակոչելով Պենտագոնում իր աղբյուրներին, հայտնում է, որ ԱՄՆ զինված ուժերը մտահոգված են Ղրիմ 4․000 ռուս զինվորականների տեղաշարժի վերաբերյալ տվյալներով: Ամերիկացի վերլուծաբանները ենթադրում են, որ նրանք կարող են մասնակցել ռազմական զորավարժություններին, որոնք կարող են ծառայել որպես Կրեմլից խորհրդանշական ժեստ՝ ուղղված ամերիկյան նոր վարչակազմին՝ որպես նախազգուշացում ԱՄՆ-ին դիմակայելու պատրաստակամության մասին:
Տաթև Ֆռանգյան
