27.04.2026 | 23:25
ՔԿ նախագահ Արթուր Պողոսյանի մասին գրառման համար ֆեյսբուքյան օգտատիրոջը մեղադրանք է առաջադրվել
Արյունահեղություն՝ Լոս Անջելեսից ոչ հեռու գտնվող գրասենյակային շենքում․ կա 4 զոհ
Քաղաքականություն
01.04.2021 | 16:24
Չորս մարդ, այդ թվում՝ մեկ երեխա է սպանվել է չորեքշաբթի Լոս Անջելեսի արվարձանում գտնվող գրասենյակային շենքում տեղի ունեցած հրաձգության հետևանքով։ Ոստիկանությունից հայտնել են, որ փոխհրաձգության ժամանակ վիրավորված կասկածյալը ձերբակալվել է, գրում է Reuters-ը:
Լոս Անջելեսի կենտրոնից մոտ 30 մղոն հարավ-արևելք գտնվող Օրանժ քաղաքում տեղի ունեցած միջադեպը դարձել է Միացյալ Նահանգներում վերջին մեկ ամսվա ընթացքում գրանցված երրորդ արյունահեղությունը։ Իշխանությունները ոչ մի բացատրություն չեն տվել միջադեպի հավանական դրդապատճառների վերաբերյալ:
Օրանժ քաղաքի ոստիկանության ներկայացուցիչ, լեյտենանտ Ջենիֆեր Ամաթը լրագրողներին հայտնել է, որ ոստիկանությունը դեպքի վայր է ժամանել տեղի ժամանակով 5։30-ի սահմաններում։
Կրակոցները գրանցվել են երկհարկանի գրասենյակային շենքում, որի հետնաբակում տեղակայված են մի քանի ձեռնարկություններ։ Շենքի հարակից տարածքներում կան բազմաթիվ բնակելի տներ ու այլ կոմերցիոն շինություններ։ Միջադեպի մասին այլ մանրամասներ չեն հաղորդվում։
Հիշեցնենք՝ մարտի 16-ին Ատլանտայում գրանցված կրակոցների արդյունքում սպանվել էր 8 մարդ։ 10 մարդ սպանվել էր մարտի 22-ին Կոլորադոյի սուպերմարկետներից մեկում հնչած կրակոցների արդյունքում։
Տաթև Ֆռանգյան
