18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
ՀՀ-ում Միացյալ Թագավորության նոր դեսպանը ժամանել է Հայաստան
Քաղաքականություն
30.03.2021 | 20:42
Հայաստան է ժամանել Ջոն Գալագերը՝ ստանձնելու ՀՀ-ում Միացյալ Թագավորության դեսպանի պաշտոնը, այս մասին տեղեկանում ենք ՀՀ-ում Միացյալ Թագավորության ֆեյբուքյան էջից։
Պրն Գալագերը նախկինում աշխատել է որպես փոխդեսպան և Քաղաքական ու տնտեսական հարցերով խորհրդական Բուենոս Այրեսում (2015-2020), ինչպես նաև Հաղորդակցության հարցերով խորհրդական` Պեկինում (2011-2015)։
Նա նաև աշխատել է ֆինանսների ոլորտում՝ ՄԹ արտաքին գործերի, համագործակցության և զարգացման նախարարությունում (Լոնդոն, 2008-2010)։
Տեղեկատվությունը տեղադրված է նաեւ Միացյալ Թագավորուրության կառավարության կայքում:
Հիշեցնենք, որ 2019 թվականի նոյեմբերի 8-ից ՀՀ-ում Մեծ Բրիտանիայի դեսպանության աշխատանքները ղեկավարում էր Հայաստանում ՄԹ Գործերի ժամանակավոր հավատարմատար, դեսպան Դեյվիդ Մորանը: 2020 թվականի օգոստոսից նույն պաշտոնում նրան փոխարինել է Հելեն Ֆեյզին։
2019-ին այդ պաշտոնում նշանակվեց ազգությամբ հայ բրիտանացի դիվանագետ Ալան Անդրանիկի Գոգբաշյանը, սակայն նա չհասցրեց ժամանել Երևան, նրա նշանակումը Լոնդոնը չեղարկեց և նրան տեղափոխեց այլ աշխատանքի: Հայաստանում Մեծ Բրիտանիայի նոր դեսպան նշանակվեց միայն 2020 թվականի դեկտեմբերին:
