20.02.2026 | 12:04
Արշակ արքեպիսկոպոսին վերագրվող տեսանյութերի փորձաքննության արդյունքների առնչությամբ ասուլիս. ՈՒՂԻՂ
Պուտինի, Մերկելի ու Մակրոնի մասնակցությամբ տեսակոնֆերանսը չի կայացել
Քաղաքականություն
29.03.2021 | 17:02
Ռուսաստանի, Գերմանիայի ու Ֆրանսիայի առաջնորդներ Վլադիմիր Պուտինի, Անգելա Մերկելի ու Էմանուել Մակրոնի մասնակցությամբ տեսակոնֆերանսը չի կայացել։ Գերմանիայի կառավարության պաշտոնական ներկայացուցիչ Շտեֆան Զայբերտը հայտարարել է, որ տեսահանդիպման չկայանալու վերաբերյալ այլ մանրամասներ չկան, գրում է «Գազետա»-ն։
«Ինձ ավելի վաղ հարցնում էին կանցլերի, ֆրանսիացի ու ռուս առաջնորդների տեսակոնֆերանսի մասին։ Ձեզ այսօր միայն կարող եմ ասել, որ միջոցառումն այսօր չի կայացել։ Ձեզ համար այլ մանրամասներ չունեմ»,- ասել է Զայբերտը։
Մինչ այդ, Մոսկվան հայտնել է, որ շարունակվում են տեսակոնֆերանսի անցկացման համաձայնեցման աշխատանքները։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը։
Նրա խոսքով՝ այս բանակցությունները չեն նախապատրաստվում որպես «Նորմանդական քառյակի» ձևաչափով միջոցառում։ Պեսկովը նշել է, որ այս երկրների ղեկավարները կարող են քննարկել Դոնբասում զինված հակամարտության հարցը, սակայն սա միակ թեման չի լինելու։
Տաթև Ֆռանգյան
