31.10.2026 | 19:51
Քննարկվել են ՀՀ և բրազիլական ինքնաթիռաշինական համաշխարային ընկերության միջև համագործակցության հնարավոր հեռանկարները
Պեսկովն անդրադարձել է Փաշինյանի՝ հրաժարական տալու մասին հայտարարությանը
Քաղաքականություն
29.03.2021 | 12:47
Հայաստանի վարչապետ Նիկոլ Փաշինյանի հրաժարական տալու մտադրության մասին որոշումը չի պահանջում անհապաղ զրույց Ռուսաստանի Դաշնության նախագահ Վլադիմիր Պուտինի հետ․ շփումներն այսպես թե այնպես մշտական բնույթ են կրում։ Այս մասին հայտարարել է ՌԴ ղեկավարի մամուլի քարտուղար Դմիտրի Պեսկովը, գրում է ՌԻԱ Նովոստին:
«Նախ՝ նա, այնուամենայնիվ, մնում է պաշտոնակատար, և հետո՝ հայտարարված որոշումը չի պահանջում անհապաղ խոսակցություն․․․ Նրանք վերջերս էին խոսել, ինչի մասին մենք հայտնել էինք, շփումները մշտական են»,- ասել է Պեսկովը լրագրողներին՝ ի պատասխան այն հարցին, թե նախատեսվո՞ւմ է, արդյոք, հեռախոսազրույց Փաշինյանի հետ։
Հիշեցնենք՝ ՀՀ վարչապետ Նիկոլ Փաշինյանն Արմավիրի մարզի բնակիչների հետ հանդիպման ժամանակ հայտարարել էր, որ ապրիլ ամսին հրաժարական կտա՝ արտահերթ խորհրդարանական ընտրություններ անցկացնելու համար։
Տաթև Ֆռանգյան
