Հասարակություն
07.02.2018 | 16:55Փաստաբաններին մինչև 100 հազար դրամով տուգանելու դրույթը, որը դատական օրենսգրքից հանվեց, սակայն ներառվելու է դատավարական օրենսգրքում, շարունակում է անհանգստացնել փաստաբաններին:
Այսօր Փաստաբանների պալատում թեմայի շուրջ գործադուլ-քննարկում էր: Փաստաբանները պահանջում էին տուգանքի մասին դրույթն առհասարակ վերացնել՝ նշելով, որ անկախ նրանից՝ այդ դրույթը դատական, թե դատավարական օրենսգրքում է, այն լինելու է սպառնալիք իրենց ազատության և անկախության համար:
Փաստաբանների պալատի նախագահ Արա Զոհրաբյանը նշեց, որ իրենք կշարունակեն կուսակցությունների հետ հանդիում-քննարկումները, որպեսզի փաստաբանների գործունեությունը սահամանափակող օրինագիծը վերացվի: Իսկ փաստաբան Հարություն Հարությունյանն էլ Factor.am-ի հետ զրույցում նշեց՝ եթե խնդրահարույց դրույթը չեղարկելու պահանջը չկատարվի, ապա իրենք չեն բավարարվի միայն գործադուլներով և ծայրահեղ քայլերի կդիմեն:
Լիլիթ Շաբոյան
