20.02.2026 | 16:46
ՀՀ փոխվարչապետն ու Վրաստանի էկոնոմիկայի նախարարն անդրադարձել են «Խաղաղության խաչմերուկ» նախաձեռնությանը
Ալեքսեյ Նավալնին բողոքել է առողջական խնդիրներից ու բուժօգնություն չստանալուց
Քաղաքականություն
26.03.2021 | 20:23
Ռուս ընդդիմադիր գործիչ Ալեքսեյ Նավալնին, որը պատիժ է կրում «Իվ Ռոշի» գործով, պատմել է, որ գաղութում սկսել է մեջքը ուժեղ ցավել, բայց իրեն դեղ չեն տվել, գրում է «Կոմերսանտը»:
Գործչի առողջական խնդիրների մասին այս շաբաթ հայտնել են նրա կողմնակիցներն ու փաստաբանները: Մինչդեռ, ՌԴ քրեակատարողական դաշնային ծառայության տարածաշրջանային վարչությունը Նավալնիի վիճակը գնահատել է «կայուն, բավարար»:
Նավալնին պատմել է, որ նախ լռել է առողջական խնդիրների մասին, սակայն երբ նրան տեղափոխել են գաղութ, անհանգստացել է ու խնդրել, որպեսզի իրեն բժիշկ զննի ու դեղորայք տա։ Նա պնդում է, որ իր բողոքները ստանում են, սակայն ոչ մի քայլ չեն ձեռնարկում, մինչ օրս չգիտի, թե ինչ առողջական խնդիրներ ունի։
