11.10.2026 | 23:33
Հակոբ Շարբաթյանը՝ բռնցքամարտի Եվրոպայի Մ-17 չեմպիոն. ՏԵՍԱՆՅՈՒԹ
Բելառուսում 2 ահաբեկչություն է կանխվել
Քաղաքականություն
26.03.2021 | 18:18
Բելառուսի իրավապահները երկու ահաբեկչություն են կանխել Մինսկում և Մինսկի մարզում։ ՌԻԱ Նովոստիի հաղորդմամբ՝ այս մասին հայտնում են Բելառուսի ՆԳՆ մամլո ծառայությունից։ Տեղեկացվում է, որ գործով ձերբակալվածը ցուցումներ է ստացել BYPOL ընդդիմադիր նախաձեռնությունից։
«Այս գիշեր Պեչիում (Մինսկի մարզ ) ՆԳՆ Կազմակերպված հանցավորության և կոռուպցիայի դեմ պայքարի գլխավոր վարչության օպերատիվ աշխատակիցները SOBR-ի ուժային աջակցությամբ բերման են ենթարկել 35-ամյա Պինսկի շրջանի բնակչի։ Տղամարդը մտադիր էր ահաբեկչություն իրականացնել տեղի զորամասում, ևս մեկը՝ Մինսկում: Իրավապահներին հաջողվել է կասեցնել հանցագործությունները, գտնել և վնասազերծել ինքնաշեն պայթուցիկ սարքերը»,- հայտնել են Բելառուսի ՆԳՆ մամլո ծառայությունից։
Տաթև Ֆռանգյան
