08.10.2026 | 22:50
Հայաստանի համար էներգետիկ դիվերսիֆիկացիան ռազմավարական առաջնահերթություն է. Սարգիս Խանդանյան
Բարենպաստ պայմաններ՝ օրինապահ հարկ վճարողների համար․ ԱԺ-ն առաջին ընթերցմամբ ընդունեց նախագիծը. ՏԵՍԱՆՅՈՒԹ
Քաղաքականություն
25.03.2021 | 11:24
Ազգային ժողովն առաջին ընթերցմամբ ընդունեց Կառավարության ներկայացրած օրենքների նախագծերի փաթեթը, որով նախատեսվում է օրինապահ հարկ վճարողի օր սահմանել, ինչպես նաև բարենպաստ պայմաններ ստեղծել օրինապահ հարկ վճարողների համար։
Հարկային օրենսգրքում լրացումներ կատարելու մասին և կից ներկայացված օրենքների նախագծերի փաթեթն ԱԺ նիստում ընդունվեց ձայների 78 «կողմ», 3 «դեմ», 21 «ձեռնպահ» հարաբերակցությամբ:
Նախագծով առաջարկվում է ՀՀ-ում օրենքով ներդնել օրինապահ հարկ վճարողների խրախուսման համակարգ, իրականացնել հարկ վճարողի օրինապահ վարքագիծը խրախուսող միջոցառումներ, որոնց նպատակն է խթանել հարկ վճարողների կողմից հարկային պարտավորությունների կամավորությամբ կատարումը: Առաջարկվում է օրինապահ հարկ վճարողներին տրամադրել վարչարարարության իրականացման մի շարք բարենպաստ պայմաններ: Նախագծի ընդունումից հետո Կառավարության կողմից կսահմանվեն օրինապահ հարկ վճարող համարվելու չափանիշները և հավաստագրի տրամադրման կարգը:
Հարկ վճարողի օրը կնշվի ապրիլի 19-ին: Օրինապահ հարկ վճարող ճանաչվելու համար կարող են դիմում ներկայացնել միայն ավելացված արժեքի հարկ վճարողները: Հարկ վճարողի դիմումի հիման վրա Կառավարության կողմից սահմանված կարգով ուսումնասիրվում և տրամադրվում է օրինապահ հարկ վճարողի հավաստագիր կամ մերժվում է օրինապահ հարկ վճարող համարվելու հավաստագրի տրամադրումը:
