Մենք պետք է հստակեցնենք ՆԱՏՕ-ում Թուրքիայի դիրքը․ դաշնակիցները չեն անում այն, ինչ անում է Թուրքիան․ Մակրոն

Ֆրանսիայի նախագահ Էմանուել Մակրոնը կարծում է, որ անհրաժեշտ է հստակեցնել Թուրքիայի տեղը ՆԱՏՕ-ում, ընդ որում` ընդգծվում է Անկարայի հետ երկխոսության կարևորությունը, այդ թվում նաև` անվտանգության ու ներգաղթի հարցերով, գրում է «Ռիա Նովոստին»:

«Ֆրանսիայի դիրքորոշումը եղել է շատ հստակ։ Երբ միակողմանի գործողություններ էին Արևելյան Միջերկրականում, մենք քննադատում էին, իսկ հետո գործեցինք՝ ֆրեգատներ ուղարկելով։ Այնուհետև մենք հասանք նրան, որ դա դատապարտվեր Եվրախորհրդարանի մակարդակով»,- ասել է Մակրոնը՝ France 5-ին տված փաստագրական ֆիլմի շրջանակներում, որում խոսք է գնում Թուրքիայի նախագահ Թայիփ Էրդողանի ու Ֆրանսիա-Թուրքիա հարաբերությունների մասին։

«Եվ ինչպես ես ասում էի դեռևս մեկ տարի առաջ, ենթադրում եմ, որ ՆԱՏՕ-ն այս հարցում այնքան էլ հստակ դիրքորոշում չունի։ Մենք պետք է հստակեցնենք ՆԱՏՕ-ում Թուրքիայի դիրքը։ Սովորաբար դաշնակիցների հետ հարաբերություններում չեն անում այն, ինչ վերջին ամիսներին անում է Թուրքիան»,- ընդգծել է Ֆրանսիայի ղեկավարը։

Սրա հետ մեկտեղ Մակրոնը նշել է, որ անհրաժեշտ է Թուրքիայի հետ երկխոսություն վարել։
«Անհրաժեշտ է անել ամեն բան, որպեսզի Թուրքիան մեջքով չթեքվի Եվրոպային և չգնա մեծ կրոնական ծայրահեղականության կամ այնպիսի աշխարհաքաղաքական ընտրության, որը է՛լ ավելի վտանգավոր ու բացասական կլինի մեզ համար»,- նշել է նա։

Ֆրանսիանի նախագահը նշել է, որ Թուրքիան անվտանգության ու ներգաղթի հարցերով գործընկեր է հանդիսանում։
«Այն անվտանգության ոլորտում գործընկեր է,  ներգաղթի հարցերով գործընկեր է։ Կարելի է ամեն ինչ ասել, սակայն Թուրքիան երկիր է, որտեղ ամենից շատ փախստականներ կան Սիրիայից։ Ես ընդունում եմ փաստերը․ դա ծանրաբեռնվածություն է, դա պատասխանատվություն է։ Նրանք շուրջ 3 միլիոն փախստական ունեն»,- նշել է նա։

Տաթև Ֆռանգյան