18.11.2024 | 23:35
ԵՄ-ն ծրագրում է «քաղաքական առաքելություն» ուղարկել Վրաստան. Բորել
Վրաստանում կսկսվի 65 տարեկանից բարձր անձանց Covid-19-ի դեմ պատվաստումը
Քաղաքականություն
22.03.2021 | 22:22
Վրաստանի պատվաստման ծրագրում փոփոխություններ են կատարվել, գրում է aliq.ge-ն:
Այսօր Առողջապահության նախարարությունում տեղի ունեցած խորհրդի նիստից հետո առողջապահության նախարար Էկատերինե Տիկարաձեն հայտարարել է, որ Վրաստանում կմեկնարկի 65 տարեկանից բարձր անձանց պատվաստումը:
Նրա խոսքով, պատվաստվելու համար հատուկ հարթակում գրանցվել հնարավոր կլինի մարտի 25-ից: Պատվաստումը կշարունակվի կամավորական սկզբունքով:
Մինչև այսօր, ըստ Վրաստանի պատվաստման ծրագրի, առաջին փուլում պետք է պատվաստվեին բուժաշխատողները, որից հետո նոր միայն բնակչության այլ խմբեր: Վերջին տվյալներով՝ Վրաստանում «Աստրազենեկա» տեսակի պատվաստանյութով պատվաստվել է առողջապահական ոլորտի 3843 աշխատող:
Հիշեցնենք որ օրեր առաջ Վրաստանում մահացել էր AstraZeneca պատվաստանյութով Ախլցխայում պատվաստված 27-ամյա բուժքույր, ենթադրաբար անաֆլիկտիկ ռեակցիայի հետևանքով:
