27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
ԵՄ-ն Չինաստանի և Ռուսաստանի նկատմամբ պատժամիջոցներ կկիրառի․ Euronews
Քաղաքականություն
22.03.2021 | 18:46
Եվրամիության անդամ 27 պետությունների արտաքին գործերի նախարարները համաձայնեցրել են նոր պատժամիջոցների սահմանումը 11 ֆիզիկական անձանց նկատմամբ, այդ թվում՝ Ռուսաստանից և Չինաստանից: Այս մասին հայտնում է Euronews-ը։
Ընդհանուր առմամբ, ԵՄ անդամ պետությունների արտաքին գործերի նախարարները համաձայնել են պատժամիջոցներ կիրառել 11 ֆիզիկական և 4 իրավաբանական անձանց նկատմամբ։ Նրանք, ենթադրաբար, պատասխանատու են Չինաստանում, Հյուսիսային Կորեայում, Լիբիայում, Ռուսաստանում, Հարավային Սուդանում և Էրիթրեայում մարդու իրավունքների լուրջ խախտումների համար:
Euronews-ի փոխանցմամբ՝ նոր պատժամիջոցները վերաբերում են Չինաստանի չորս պաշտոնյայի և մեկ իրավաբանական անձի։ Նրանք, ենթադրաբար, խախտել են ույղուր փոքրամասնության իրավունքները։
Նշվում է, որ միջազգային հանրությունն ամիսներ շարունակ կասկածում էր, որ Չինաստանի Սինգջյան ինքնավար շրջանում գտնվող համակենտրոնացման ճամբարներում տեղի են ունենում լուրջ չարաշահումներ, ինչպիսիք են զանգվածային կամայական կալանքը, խոշտանգումները և հարկադիր քաղաքական ինդոկտրինացիան:
ԵՄ-ում նաև մտադիր են պատժամիջոց կիրառել Մյանմայի 11 պաշտոնյայի նկատմամբ ՝ ռազմական հեղաշրջման և դրան հաջորդող ռեպրեսիաների պատճառով: Նշվում է, որ պատժամիջոցներն անհատական են, նպատակային և ներառում են մուտքի արտոնագրերի արգելք և ԵՄ-ում ակտիվների սառեցում։
Նելլի Մելքոնյան
