17.02.2026 | 16:59
ՌԴ-ն ՀՀ-ի գործընկերն է, անընդհատ ասել, որ ռուսները եկան մեզ վնաս տալու, վնասակար խոսույթ է. Պապյան․ ՏԵՍԱՆՅՈՒԹ
Թուրքական լիրան կտրուկ արժեզրկվել է. Reuters
Տնտեսություն
22.03.2021 | 13:13
Թուրքիայի ազգային արժույթը՝ լիրան, 15%-ով անկում է ապրել՝ հասնելով 8.4 լիրայի՝ մեկ դոլարի դիմաց: Այս մասին հայտնում է Reuters-ը։
Լրատվամիջոցի փոխանցմամբ՝ դա պայմանավորված է Կենտրոնական բանկի նախագահ Նաջի Աղբալին աշխատանքից ազատելու՝ նախագահ Էրդողանի որոշմամբ։
Նշվում է, որ 2019-ի կեսերից ի վեր՝ Էրդողանն արդեն երրորդ անգամ է Կենտրոնական բանկի նախագահին պաշտոնից հեռացնում։
Նաջի Աղբալի փոխարեն Թուրքիայի ԿԲ նախագահի պաշտոնում նշանակվել է Շահափ Քավջըօղլուն։ Աղբալին ազատելու պատճառների վերաբերյալ պաշտոնական մեկնաբանություն չի տրվել: Քավջըօղլուն նախկին բանկիր է և իշխող «Արդարություն և զարգացում» կուսակցության իրավաբաններից:
