24.04.2026 | 11:55
Օդեսայում ռուսական ԱԹՍ-ների հարձակման հետևանքով զոհեր և վիրավորներ կան
Վրաստանում փոխվում է պատվաստման կարգը. ամբուլատորիաներում չեն պատվաստի
19.03.2021 | 20:42
Վրաստանում վերանայել են AstraZeneca պատվաստանյութի օգտագործման կարգը, գրում է aliq.ge-ն:
Առավելագույն անվտանգություն ապահովելու համար որոշում է կայացվել պատվաստում իրականացնել միայն բազմապրոֆիլ կլինիկաներում:
Խոսքը երկրի մասշտաբով 40 հիվանդանոցների մասին է, որոնք վերակենդանացման բաժանմունք ունեն: Ամբուլատորիաներում չեն պատվաստելու: Սրա հետ կապված` վերանայվել է նաև մի շարք բուժաշխատողների պատվաստման գրաֆիկը, որոնք գրանցում են անցել էլեկտրոնային հատուկ հարթակում։ Ամբուլատորիաներում արված ամրագրումները կբաժանվեն բազմապրոֆիլ հիվանդանոցների վրա:
Պատվաստման գործընթացն ընդհատվել է նաև Աջարիայի 4 շրջաններում` Խելվաճաուրի, Կեդա, Շուախեվի, Խուլո:
Ներկայումս Վրաստանում պատվաստվել է մոտ 4000 բուժաշխատող, 5.500-ը գրանցվել ու սպասում են իրենց հերթին:
Հիշեցնենք, որ այսօր Թբիլիսիի հիվանդանոցում մահացել էր AstraZeneca պատվաստանյութով պատվաստված ու կոմայի մեջ ընկած բուժքույրը։
