19.12.2025 | 17:51
Դավիթ Մանուկյանն ու Արայիկ Հարությունյանը Բաքվի դատարանում եզրափակիչ ելույթներով են հանդես եկել
Արմեն Սարգսյանը շնորհավորել է Վրաստանի նախագահ Սալոմե Զուրաբիշվիլիին ծննդյան օրվա առթիվ
Քաղաքականություն
18.03.2021 | 12:59
Հանրապետության նախագահ Արմեն Սարգսյանը ծննդյան օրվա առթիվ շնորհավորական ուղերձ է հղել Վրաստանի նախագահ Սալոմե Զուրաբիշվիլիին:
Նախագահ Սարգսյանը կարևորել է Վրաստանի հետ դարավոր բարեկամության և բարիդրացիական ավանդույթների վրա հիմնված փոխգործակցության հետևողական ամրապնդումն ու խորացումը:
«Բարձր եմ գնահատում մեր միջև ձևավորված փոխըմբռնման և վստահության մթնոլորտը, որը նպաստում է մեր պետությունների միջև համագործակցության բազմաբնույթ հարցերի անկեղծ և կառուցողական քննարկումներին:
Համոզված եմ, որ, որպես Հայաստանի և Վրաստանի նախագահներ, կարող ենք մեր նշանակալի ներդրումն ունենալ երկու երկրների միջև հնարավոր բոլոր ոլորտներում հարաբերությունների առավել ամրապնդման և զարգացման մեջ»,– մասնավորապես ասված է նախագահ Սարգսյանի շնորհավորական ուղերձում:
