27.11.2024 | 22:49
Երևանի քաղաքապետն այցելել է Լոս Անջելեսի տրանսպորտի կառավարման կենտրոն
«Յոթնյակի խումբը» դատապարտել է Դոնբասում հակամարտության սրումը
Քաղաքականություն
18.03.2021 | 13:54
«Յոթնյակի խմբի» (G7) արտգործնախարարները դատապարտում են Ուկրաինայի արևելքում հակամարտության սրումը և ընդգծում են Դոնբասում հրադադարի ռեժիմի պահպանման անհրաժեշտությունը: Այս մասին ասված է Մեծ Բրիտանիայի, Գերմանիայի, Իտալիայի, Կանադայի, ԱՄՆ-ի, Ֆրանսիայի և Ճապոնիայի արտաքին գործերի նախարարների համատեղ հայտարարության մեջ, որը հինգշաբթի հրապարակել է Միացյալ Թագավորության արտաքին գործերի նախարարությունը, գրում է ՏԱՍՍ-ը:
«Մենք դատապարտում ենք շփման գծի երկայնքով ռազմական գործողությունների վերջին սրացումները», – ասված է հայտարարության մեջ: «Մենք վերահաստատում ենք հրադադարի ռեժիմի պահպանման կարևորությունը, որը հիմք է հանդիսանում հակամարտության խաղաղ կարգավորման ուղղությամբ ցանկացած առաջընթացի համար»:
Հայտարարության մեջ նաև կոչ է արվում Ռուսաստանին «երաշխավորել, որ Ուկրաինայի վերջին գործողությունները, որոնք ուղղված են շփման գծի երկու կողմերում գտնվող մարդկանց կյանքի բարելավմանը, պետք է ընդունվեն փոխադարձ քայլերով»:
Տաթև Ֆռանգյան
