30.06.2026 | 23:28
«Ուիմբլդոն»․ Կարեն Խաչանովը մեկնարկել է հաղթանակով
Բելառուս իրավապաշտպանները հայտնում են «Գարուն» կազմակերպության նկատմամբ ակտիվ քննչական գործողությունների մասին
Քաղաքականություն
17.03.2021 | 15:41
Բելառուսում չգրանցված «Գարուն» իրավապաշտպան կազմակերպությունը հայտնում է, որ հանրապետության իրավապահ մարմիններն ակտիվ քննչական գործողություններ են իրականացնում կազմակերպության անդամների ու կամավորների նկատմամբ, գրում է ՏԱՍՍ-ը։
««Գարուն» իրավապաշտպան կազմակերպության բազմաթիվ անդամների ու կամավորների նկատմամբ այս շաբաթ ընթանում են ակտիվ քննչական գործողություններ։ Այսպես՝ մարտի 15-ին ու 16-ին Քննչական կոմիտեում «Գարուն»-ի ընկերների ու կամավորների նկատմամբ հարուցված քրեական գործի շրջանակներում հարցաքննության է կանչվել հայտնի մոգիլևյան իրավապաշտպան Բորիս Բուխելը, իսկ մարտի 17-ին՝ որպես վկաներ հարցաքննության են կանչվել իրավապաշտպաններ Լեոնիդ Սվետիկը Վիտեբսկում, Վլադիմիր Մալեյն ու Մարգարիտա Վելիչկինան Բրեստում, Սերգեյ Լատինսկին Բոբրույսկում» ,- ասված է կազմակերպության տարածած հայտարարության մեջ։
Բելառուսի ՆԳՆ-ից ավելի վաղ հայտնել էին, որ փետրվարի 16-ին խուզարկություններ են իրականացվել իրավապաշտպանների, Ժուռնալիստների բելառուսական ասոցիացիայի անդամ լրագրողների, անկախ արհմիությունների ու մի շարք մեդիառեսուրսների գրասենյակներում։ Գերատեսչությունից պարզաբանել էին, թե իբրև այդ կազմակերպությունները «օտարերկրյա գործակալներ են, որոնք իրավապաշտպան գործունեության քողի տակ կազմակերպել ու ֆինանսավորել են բողոքի ցույցերը»։
Տաթև Ֆռանգյան
